福祿壽訓練學院｜Naomi還原「基嫂」似倒模超搶Fo　翻版Chris興趣多學歷高冇造假

《福祿壽訓練學院》自上周日晚（3月31日）首播後，在Opening表演中神還原「基嫂」的Dancer Naomi相當受注目！

由於Naomi的髮型、外型、笑容及肢體動作均與「基嫂」形同倒模，故節目播出即在網絡引起討論：「扮女友的小姐真係似到笑壞人」、「個女朋友真係好似」。

福祿壽訓練學院丨葉泓聲「神還原」羅志祥跳電臀舞　獲小豬留言鼓勵

「基嫂」 Naomi主修舞台劇

飾演「基嫂」的Naomi在2022年正式加入舞蹈員生涯，三歲已開始學跳芭蕾舞的她，除已完成英國皇家芭蕾舞學院的專業資格課程，中五後轉往英國留學的她，主修英、數、商及舞蹈，最後以3 A*獲得英國倫敦舞蹈學院London Studio Centre無條件錄取，並主修舞台劇。

原本「基嫂」戲份並沒那麼多，只是由於Naomi表現太出色，排舞師及製作組才決定臨時加戲給她！

▼點擊圖片放大

+5

+4

Naomi：準備時間好短

提到扮演「基嫂」好評不斷，Naomi笑言歸功排舞師：「佢竟然諗到我同基嫂似樣，但因為準備時間好短，所以我主要都係靠上網搵相學吓佢平時嘅身體形態同笑容。我係到拍攝當日先真正同『基哥』夾動作，當時都好緊張唔知應該做啲咩，但祖藍好好不斷提出我哋可以做啲咩動作去互動，令效果出嚟更好。」

Naomi續指節目播出後，她成為不少好友的「笑料」，她說：「當晚我都有同班朋友一齊睇，佢哋一見到我出場就不停係咁笑，不停話真係好似。到第二日又有好多朋友打嚟話喺電視見到我好好笑，而且見到好多媒體包括IG同連登都有自己個樣，真係好驚訝，冇諗過呢個角色會咁受關注，真係非常感激製作部畀咗呢個演出機會我。」

最新影片推介：炎明熹專訪

Naomi擁逆天長腿

入行只有短短2年左右的Naomi，近期曾為尹光《尹光Wan K宇宙巡邏演唱會》擔任Dancer，亦曾參與馬浚偉《幸福‧春夏秋冬Mastermic演唱會2023》，更以Solo姿態與馬浚偉同台演出，相當厲害！

Naomi的興趣相當廣泛，除了熱愛與三五知己四出打卡及旅行外，也鍾情跳K-Pop。

雖然Naomi經常自嘲有肚腩，但從她上載的照片所見，其身形是相當標準，一雙逆天長腿相當吸睛！

▼點擊圖片放大

+12

+11

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5